أنا ورحلة الشرشحة في النفوس ..
متل ما بتعرفو أنا خلصت السنة الماضية بكالوريا وهي السنة
ناوية سجل معهد رسم وأكيد كنا منعرف انو لازمنا اوراق وصور
وكومة كراكيب تانية
هي السنة حبيت اعتمد على حالي بالإضافة إلى انو حبيت ريح أهلي
واشتغل بأوراقي لحالي المهم بلشت بورقة إخراج القيد هي الورقة بيجيبوها من دائرة النفوس المهم سالت الماما وين هي ورحت
وصلت على دائرة النفوس ..بعد جهد جهيد
سألت الشرطي برا وين بيعملو إخراج قيد قلي طلعي لفوق بيقولولك
طلعنا عل طابق الأول قال عند الآنسة ( س )
بلشت حملة البحث عن (س) منشان تعملي إخراج قيد
وينك يا (س)...
قال شو هلا نزلت لتحت عم تشرب متة مع (س1) نزلنا لتحت لعند (س1) وأخيرا لقيتك يا (س) (بس شو (س) والله شغلة )
مرحبا آنسة (س)
ما حدا عم يرد ...أنا واقفة قدامها وما عم ترد
يا آنسة (س).... يا حبابة ..... يا محترمة
ساعة وأنا واقفة بعدين تكرمت علينا وردت قلتلا من بعد ازنك بدي إخراج قيد
يعني بدي عزبك واقطعلك هل قعده الحلوة بس يلا اتحملينا
المهم طلعت أنا والآنسة (س) على الطابق الأول منشان تعملي إخراج قيد
بعد ما وصلت على مكتب الآنسة (س) المحترمة
قال وين هويتك ....عطيتا هويتي
قال وين ورقة إخراج القيد قلتلا ليش ما بدي أخدها من عندك هي الورقة
قال روحي لعند نائب المدير قوليلو بدي ورقة إخراج قيد فاضيه
ماكزبنا خبر ورحنا لعند نائب المدير
وينك يا نائب المدير
قال راح وما بيعرفو لوين
بعد ربع ساعة شرف أخونا نائب المدير
قلتلو بدي ورقة إخراج قيد فاضيه
قلي روحي على مكتب الكمبيوتر بتاني غرفة
رحنا على مكتب الكمبيوتر بتاني غرفة و اخدت الورقة المطلوبة وبوجهي لعند الآنسة (س) ذات الجمال الآخاذ
الآنسة (س) قاعدة جنب جارتها بالمكتب عم يطقو حنك
قلتلا اتفضلي هي الورقة إلي قلتيلي عليها
قال استني شوي بس شوف شو صار مع ابنها ل (.....) - قصدي جارتها بالمكتب -
ربع ساعة تانية وأنا واقفة قدامها لحتى خلص الحديث المهم و انتهت القصة الشيقة ..
المهم اخدت الورقة قال وين الطوابع
أنا هون صار وجهي أحمر على أخضر( عم يتموج يعني صار بالألوان ههههه) يعني لو طالع بأيدي كنت شلفتا كف لفيتا لف
قلت يا بنت استهدي بالرحمن وخدي ورقتك ومشينا
سالتا من وين بيجيو الطابع ورحت جبتو
المهم خلصتلي الورقة قال لسى بدها توقيع من المديرة
نزلنا لعند المديرة
الباب مسكر والمديرة ما بدها حدا يفوت لعنداااااا
حرام تعبانة من ضغط العمل بتعرفو انتو ناس فايتة وناس طالعة
طلعت روحها بدها تغير جو ..
استنينا المديرة لحتى روقت وفتحتلنا الباب قربت لجنب مكتبها قلتلا صباح الخير لو سمحتي بدي توقيعك
قال إخراج قيد اطلعي لعند نائب المدير
طلعنا لعند نائب المدير
قال هاد التوقيع من عند المديرة
ردينا نزلنا وطلعنا و طلعنا ونزلنا
بعدين أفرجوا عني و زينت لي سعادة المديرة اخراج القيد بتوقيعها الكريم المبجل ...
طلعت من الدائرة وجهي أحمر وماني شايفة قدامي
كانت رح تدعسني سيارة وأنا عم اقطع الشارع
يعني كنت رحت شهيدة اخراج القيد ودائرة نفوس حمص
ياعالم شو هاد والله عيب علينا عييييييييييييييييييييييب
ماعاد حدا يستحي يا جماعة
بلدنا خربت ونحنا قاعدين ورا مكاتبنا عم نشرب متة وعم نطق حنك عن فلان وعلتان
عيب عليكون والله عييييييييييييب...
مي الحلواني
كتبها may Helwany في 09:20 مساءً ::
لا لا لا مش فى سوريا بس
ده انا اتشليت عشان اخلص اى اوراق حكوميه هنا فى مصر
بس لازم تجاهدى وتجازفين لحد ما تعملى اللى انىت عايزه ولا تيأسى
تحياتى ،،،
كريم اهلا وسهلا فيك
والله شايفتك هل مرض مستشري بكل البلدان العربية
والمشكلة انو بتحكي وبتكتب ومع هيك ما بيردو ولا بيحسو على دمون ..
تحياتي الك كريم
حلوة منك يا أنسة مي بس بتمنى ما يعرقلولك باقي التسجيل لأن البلد بدها فنانين مثلك فشدي حيلك وفرجيهم كيف الرسم بيكون ماشي وانا واقف معك اذا بدك
شعععععععععرررررررررووووووووورررررررررر
ليش بيصير يا شعرور ما يعرقلولي التسجيل
اليوم رحت على مديرية الصحة و كان في مشكلة وحدة
وهيي انو مالقيت حدا بالمديرية غير الناطور
قال راحو لانو برمضان ما بيداومو كتير
تحياتي شعرور وشكراً الك
هههههههههههههه والله ضحكتيني يا مي خانم, يا صديقتي هي هية مأساة الروتين والبيروقراطية, بس في شغلة استغربت منها الموظفة ملكة الجمال كانت عم تشرب متة في رمضان ؟؟؟؟؟؟؟؟؟؟؟؟ ولا شو؟؟؟
يزن
اهلين يزوني
انشالله بتضل عم تضحك
انا رحت قبل رمضان متل ما بتعرف
وحكيتلك شو صار ازا بتتذكر
بس اكتملت المقالة لمبارح
تحياتي يزوني
ذكرتيني بالايام الخوالي, لما بلشت اعمل الاوراق والشهادات, من دائرة لدائرة , الله يسامحك ليه هيك بتقلبي المواجع, ربنا يصلح الاحوال, المهم خلصتي الاوارق ولا بعد
(o:) ..مع تحياتي..مجموعة انسان
ايه ده غريبة
هى بلدكو خربت
غريبة جدا
اصل بلدنا خربت كمان
مجموعة انسان
اهلين وسهلين فيك
لاتاخذني قلبتلك المواجع ههههههه
وانشالله الله بيسمع منك وبيصلح الاحوال
واتطمن خلص الاوراق بس رحت لسجل وقفت اكتر من ساعة لحتى لقولي استمارتي
لانو كانو مضوعينا هههههههههه
تحياتي مجموعة انسان
الفيل--النت بتتكلم عربى
لا غريبة ولا شي
ماهيي الدنيا كلها خربانة وقفت على بلدي وبلدك يعني ..
تحياتي
مي
اولا اشكرك لزيارة مدونتي
ثانيا انا من اكثر الاشخاص الذين عانوا بالنفوس مثلا لاني وحيد وكل سنة بطلع ورقة للجامعة
مي فعلا شي بخليك تفكر تجيب معك متة للموظف مشان تقعد معه قعدة حلوة بلكي فعلا يرضى عنك
بس المشكل فعلا اذا مابيحب المتة
دمتي بخير
بلدنا حلوة بطوله بعرضها وبزبالتها
واذا كان في تقصير من بعض الموظفين
مو معناتها البلد خربة لا
ومعلش يعني بما انك كتير اضايقتي على البلد الي عم تخرب بينما هل الكام موظف عم يشربو مته كان فيكي ولو رح نقول عمل روتيني وصار قديمة ويمكن تقوليلي ماحدى رح يرد تحطي شكوى بصندوق الشكاوي الموجود بكل دائرة وصدقيني القصة مانا بقا متل اول صار في مين يسمع الشكوى
بلدنا حلوة اذا عرفنا نحافظ عليها مو اذا شفنا اغلط وسكتنا
هيك ساعتا بتكون عم تخرب البلد وهل كام الشخص مقضين يشرحو مشاكلون على النت
هاد هوه اللي بسموه فساد اداري يا ميوش !
ربّ الخير و الرحمة اجعل نسائم المغفرة في الشهر الكريم تهبّ علينا و فينا و تعيدنا
إلى الفطرة السليمة فيرحم كبيرنا صغيرنا و قوينا ضعيفنا و شابنا شيخنا و غنينا فقيرنا و
نحفظ قدر كبار السن فينا و ماء الوجوه..
علمنا كيف نمسح الدموع عن العيون الباكية و نرسم البسمة على الشفاء الحزينة و
نبعث الأمل في النفوس اليائسة.. و كيف نحبٌ الخير للناس كما نحبه لأنفسنا
يا ربّ الخير و النور أعدنا لطريق الخير و النور و فرّج عنّا كرب أمّتنا....
سلام الله عليك
هاهي العشرة الأولى من رمضان تكاد تنقضي فما هو حصادك فيها ؟؟؟؟؟
دع عنك الكسل:
انهض فقد بدأ السباق... انهض قبل أن تجد نفسك في المركز الأخير ... انهض إن كنت
تطمح أن تكون من الفائزين يوم توزع الجوائز يوم العيد ... دع عنك الكسل وإن كان طعمه
أحلى من العسل فإن في آخره علقم ينسيك ما كان فيه من حلى، ما هي إلا أياماً
معدودة وساعات محسوبة تمر مر السحاب وينفض الموسم وتودع شهر الطاعات وموسم
البركات ومضاعفة الأجور والحسنات. إن لذة الكسل ساعة وتزول وتعقبها حسرة لا تزول
ونصب الطاعة ساعة وتزول وتليها فرحة لا تزول .. اسأل صاحب الطاعة بعد انقضائها هل
بقى من تعبها شيء؟ واسأل نفسك هل بقى من لذة الكسل لك شيء؟! والعاقبة
للتقوى.
اللهم اجعلنا من الذين يصومون رمضان ايمانا وليس عادة.......
اللهم انشر علينا رحمتك..........
يا حى يا قيوم برحمتك نستغيث......
ان هذه الرحله واجبه علي كل مواطن عربي
فحكوماتنا تعلمنا ان نتعب في الحصول علي
الاشياء حتي نعرف قدرها
اللهم ارحمنا
رحلة سيئة .. كان الله فى عونك .. ولا يهمك كله بيفوت
أرجو تشريفى بمدونتى عشان فيه جديد
ندوووش
أين أنتى عزيزتى مى .. ؟؟؟
ياريت تطمنينا عليكى .. دمتى بخير
ناديه
بسيطة بكرة يتكبري وبتحكيها لولادك على فكرة حمدي ربك أنو شغلتك بالنفوس وإخراج قيد...لأنو لو كنتي شب وشغلتك بشعبة التجنيد غير ربك مابيعرف يطلعك منها...على كل حال هي شغلة طبيعية جداً طالما أنتي عايشة ببلد عربي....
هذا حال كل العرب..وبيقولوا مش متحدين..فيه اكتر من كده اتحاد؟!!!
انا اقولكم هذا الكرسي الي يقعدو عليه بي فايروس مين يجلس عليه يصاب بعدم وجود الضمير يجوز بي قوه مغناطيسيه تسلب العقل والضمير منهم وانا لا انكر ان هناك القليل منهم يوجد لديهم ضمير ان خليت قلبت
ونرجو من الله ان يتحسن هذا الحال
مي شكرااا على المرور الأنيق
انا ما همني القصة اللي كاتبتيها قد ما همني اسلوب كتابتك الرائع
اما بالنسبة للوضع فهاد بدو عمر ونفس طويل
بالمناسبة كان في دراسة حول مدى تطبيق الديمقرطية في البلد {س} فكانت النتيجة انو تحتاج فكرة الديمقراطية حتى تتحقق كاملتا 400 سنة يعني 400 سنة من النضال والمجازفة
على كل حال مبروك اخراج القيد ونشاالله عقبال ورقة اللا حكم عليه تحط حملها وتقوم بالسلامة
انا ناطر ردك على القصيدة الجديدة اللي نزلتها بعنوان لغز
ويا رب تعرفي حلها
تقبلي تحياتي
نورس